Маълумки, сўнгги йилларда тадбиркорликни ҳамда ҳудудларни иқтисодий ривожлантиришда бўш ер участкаларида юқори даромад келтирадиган фаолият турларини ташкил қилиш, шунингдек, инфратузилма лойиҳаларининг мастер-режаларга мувофиқ амалга оширилиши давр талабига айланиб бормоқда.

Бу борада, Ўзбекистон Республикаси Президентнинг 2025 йил
21 апрелдаги ПФ-70-сон ва 2024 йил 6 сентабрдаги ПФ-135-сон Фармонлари, 2024 йил 8 июлдаги ПҚ-245-сон қарори ҳамда Вазирлар Маҳкамасининг 2024 йил 7 майдаги 268-сон қарорлари тасдиқланди.

Хусусан, Ўзбекистон Республикаси Президентнинг 2025 йил
21 апрелдаги ПФ-70-сон Фармони 3-иловасига мувофиқ Самарқанд вилоятида Тадбиркорлик ва шаҳарсозлик фаолиятини ташкил этиш учун 2025 йилда 730,2 гектар қишлоқ хўжалигига мўлжалланмаган ер участкаларини аукцион савдоларга чиқарилиши белгиланган.

Мазкур Фармон ижроси бўйича жорий йил бошиданбугунги кунга қадар вилоятда 567,7 гектар ер участкалари Тадбиркорлик ва шаҳарсозлик фаолиятини ташкил этиш учун 59,4 млрд.сўм бошланғич нархда аукцион савдоларга чиқарилган.

Жорий йил бошидан аукцион савдоларига чиқарилган
114,8 гектар бўш турган ер участкалари 53,6 млрд. сўмга сотилган.

Шунингдек, Ўзбекистон Республикаси Президентнинг 2025 йил
21 апрелдаги ПФ-70-сон Фармони билан Ер участкаларини сотишни жадаллаштириш ва тадбиркорликни кенгайтириш мақсадида бир қатор имтиёзлар белгиланган, шу жумладан:

- аукцион савдолари орқали ижара ҳуқуқи асосида сотиб олинган ноқишлоқ ер участкалари шаҳарсозлик ҳужжатларига мувофиқ бўлса Ўзбекистон Республикаси фуқаролари ва юридик шахслари томонидан хусусийлаштирилишига йўл қўйилиши;

- маҳаллий ижро этувчи ҳокимият органлари томонидан аукцион савдоларига чиқариладиган ер участкалари, устувор равишда, фаолиятини кенгайтириш истагида ва тайёр лойиҳаси бўлган тадбиркорлик субъектлари таклиф билдирган жойлардан танланиши;

- аукцион савдоларида турган майдони кичик бўлган ёнма-ён турган ер участкалари шаҳарсозлик нормаларидан келиб чиққан ҳолда бирлаштирилиб қўшимча келишувларсиз қайта аукцион савдоларига чиқарилишига рухсат берилди.

Давлат активларини хусусийлаштиришни жадаллаштириш мақсадида мақсадида қуйидаги тартиблар ўрнатилмоқда, яъни:

- ҳудуди 10 минг квадрат метргача бўлган давлат мулки объектлари юқори технологияли маҳсулот яратадиган тадбиркорлик субъектларига 5 йил муддатга тўғридан-тўғри текин фойдаланишга берилади ҳамда шартнома шартлари бажарилган тақдирда ушбу тадбиркорлик субъектларига баҳоланган қийматда тўғридан-тўғри сотилиши;

- бошланғич нархини босқичма-босқич пасайтириш механизми қўлланилгандан кейин ҳам бир йилдан ортиқ муддатда сотилмаган ҳамда харидорлар учун жозибадорлиги бўлмаган кўчмас мулк объектлари бошқа юридик шахсларнинг устав капиталига улуш сифатида киритилиши;

- бозорлар ва савдо комплекслари устав капиталида маҳаллий давлат ҳокимияти органларининг мажбурий иштирок этиши тўғрисидаги талаб бекор қилиниши белгиланди.

Шу билан бирга, қишлоқ хўжалигига мўлжалланмаган ер участкалари сотилишидан тушган тушумлар қонунчиликка мувофиқ тўлиқ ушбу ер участкалари жойлашган туман (шаҳар)лар ва вилоят бюджетида тенг улушларда қолдирилиши белгиланган.

Давлат активларини бошқариш агентлиги

Самарқанд вилояти ҳудудий бошқармаси бошлиғи

А.Ў.Эгамов