Қадрли юртдошлар!
Давактив агентлиги жамоаси Сизларни Ўзбек тилига давлат тили мақоми берилганининг 35 йиллиги ҳамда 21 октябрь – Ўзбек тили байрами куни билан самимий қутлайди.
Муҳтарам Президентимизнинг "Она тилимиз – миллий маънавиятимизнинг битмас-туганмас булоғидир. Шундай экан, унга муносиб ҳурмат ва эҳтиром кўрсатиш барчамизнинг нафақат вазифамиз, балки муқаддас инсоний бурчимиздир", — деган фикрлари тилимизни эъзозлаш, унинг давлат тили сифатидаги мақомини юксалтириш, ёш авлодни она тилига ҳурмат руҳида тарбиялаш ҳар биримизга масъулият юклайди. Зеро, тил бор экан, миллат барҳаётдир.
Ўзбек тили байрами куни муборак бўлсин!
