O‘zbekiston Respublikasi davlat mustaqilligining 35 yilligi mamlakatimiz hayotidagi muhim va qutlug‘ sana sifatida keng nishonlanayotgan ayni kunlarda yurtimiz taraqqiyoti, davlat boshqaruvi tizimini rivojlantirish, iqtisodiy islohotlarni izchil amalga oshirish hamda xalq farovonligini ta’minlash yo‘lida fidokorona mehnat qilayotgan yurtdoshlarimizning samarali faoliyati munosib e’tirof etilmoqda.
Mustaqillik yillarida mamlakatimizda amalga oshirilayotgan keng ko‘lamli islohotlarning samaradorligini ta’minlashda o‘z kasbiga sadoqat bilan yondashib, zimmasiga yuklatilgan vazifalarni mas’uliyat va tashabbuskorlik bilan ado etayotgan davlat xizmatchilarining alohida o‘rni bor.
Ana shunday fidoyi va mas’uliyatli faoliyat olib borayotgan davlat xizmatchilarining mehnati O‘zbekiston Respublikasi Davlat aktivlarini boshqarish agentligining Samarqand viloyati hududiy boshqarmasi misolida ham munosib e’tirof etildi.
Yuksak mukofot — samarali mehnat e’tirofi
O‘zbekiston Respublikasi Davlat mustaqilligining 35 yilligi munosabati bilan davlat boshqaruvi va davlat aktivlarini samarali boshqarish sohasida ko‘p yillik tajribaga ega, o‘z xizmat vazifalariga yuksak mas’uliyat bilan yondashib kelayotgan boshqarma rahbariyati vakillari yuksak mukofot bilan taqdirlandilar.
Xususan, O‘zbekiston Respublikasi Davlat aktivlarini boshqarish agentligining Samarqand viloyati hududiy boshqarmasi boshlig‘i davlat xizmatidagi samarali faoliyati, tashabbuskorligi, yuqori mas’uliyati, boshqaruv jarayonlarini samarali tashkil etishdagi xizmatlari hamda davlat aktivlarini boshqarish sohasining rivojiga qo‘shib kelayotgan munosib hissasi uchun “O‘zbekiston Respublikasi Davlat mustaqilligining 35 yilligi” ko‘krak nishoni bilan taqdirlandi.
Mazkur yuksak mukofot rahbarning o‘z zimmasidagi vazifalarni sidqidildan bajarib kelayotgani, jamoa faoliyatini samarali tashkil etish, sohada belgilangan vazifalarni hayotga izchil tatbiq etish hamda davlat manfaatlarini ta’minlash yo‘lidagi mehnatining munosib e’tirofi bo‘ldi.
Shuningdek, boshqarma boshlig‘i o‘rinbosari ham O‘zbekiston Respublikasi davlat mustaqilligining 35 yilligi munosabati bilan “O‘zbekiston Respublikasi Davlat mustaqilligining 35 yilligi” ko‘krak nishoni bilan taqdirlandi.
Boshqarma boshlig‘i o‘rinbosarining ham sohada olib borilayotgan islohotlarni amalga oshirish, belgilangan vazifalarni sifatli va o‘z vaqtida bajarish, jamoa faoliyatida hamjihatlik va ishchanlik muhitini mustahkamlash, davlat aktivlaridan samarali foydalanishni ta’minlash borasidagi mehnati ushbu yuksak e’tirofga munosib baho bo‘ldi.
Mukofot — katta mas’uliyat va yangi marralar sari rag‘bat
“Davlat mustaqilligining 35 yilligi” ko‘krak nishoni nafaqat o‘tgan davrdagi samarali mehnatning e’tirofi, balki kelgusidagi mas’uliyatli vazifalarni yanada katta ishonch va fidoyilik bilan bajarish uchun muhim rag‘batdir.
Bugungi kunda davlat aktivlarini samarali boshqarish, ulardan oqilona va samarali foydalanish, davlat mulkini iqtisodiy muomalaga faol jalb etish, investitsiyalarni kengaytirish hamda tadbirkorlik uchun qulay shart-sharoitlar yaratish borasida muhim vazifalar amalga oshirilmoqda.
Bu jarayonlarda boshqarma rahbariyatining bilim va tajribasi, tashabbuskorligi, mas’uliyatli yondashuvi hamda jamoani yagona maqsad sari safarbar eta olish qobiliyati alohida ahamiyat kasb etadi.
Rahbariyat vakillarining davlat mustaqilligining 35 yilligi munosabati bilan yuksak mukofot bilan taqdirlangani Samarqand viloyati hududiy boshqarmasi jamoasi uchun ham katta faxr va quvonchdir.
Ushbu e’tirof boshqarma jamoasining davlat aktivlarini boshqarish sohasida belgilangan vazifalarni yanada yuqori saviyada amalga oshirishga bo‘lgan ishonchini mustahkamlab, kelgusida yangi yutuqlar sari dadil qadam tashlashga xizmat qiladi.
Samimiy muborakbod etamiz!
O‘zbekiston Respublikasi Davlat aktivlarini boshqarish agentligining Samarqand viloyati hududiy boshqarmasi jamoasi nomidan boshqarma boshlig‘i hamda boshqarma boshlig‘i o‘rinbosarini davlatimizning yuksak mukofoti bilan samimiy muborakbod etamiz.
Ularga mustahkam sog‘lik, oilaviy xotirjamlik, uzoq va mazmunli umr, davlat va xalq manfaatlari yo‘lidagi mas’uliyatli faoliyatlarida kuch-g‘ayrat, yangi tashabbuslar, ulkan muvaffaqiyatlar hamda yangi marralarni zabt etishlarini tilaymiz.
Ishonamizki, ushbu yuksak e’tirof rahbariyat vakillarini kelgusida ham o‘z faoliyatlariga yanada katta mas’uliyat bilan yondashishga, yangi tashabbuslarni ilgari surishga va Samarqand viloyatida davlat aktivlarini samarali boshqarish borasidagi ishlarni yanada yuqori bosqichga olib chiqishga xizmat qiladi.
Mustaqilligimiz abadiy, yurtimiz tinch, osmonimiz musaffo, xalqimiz farovon bo‘lsin!
O‘zbekiston Respublikasi Davlat aktivlarini boshqarish agentligining Samarqand viloyati hududiy boshqarmasi
Matbuot xizmati
