Ўзбекистон Республикаси давлат мустақиллигининг 35 йиллиги мамлакатимиз ҳаётидаги муҳим ва қутлуғ сана сифатида кенг нишонланаётган айни кунларда юртимиз тараққиёти, давлат бошқаруви тизимини ривожлантириш, иқтисодий ислоҳотларни изчил амалга ошириш ҳамда халқ фаровонлигини таъминлаш йўлида фидокорона меҳнат қилаётган юртдошларимизнинг самарали фаолияти муносиб эътироф этилмоқда.
Мустақиллик йилларида мамлакатимизда амалга оширилаётган кенг кўламли ислоҳотларнинг самарадорлигини таъминлашда ўз касбига садоқат билан ёндашиб, зиммасига юклатилган вазифаларни масъулият ва ташаббускорлик билан адо этаётган давлат хизматчиларининг алоҳида ўрни бор.
Ана шундай фидойи ва масъулиятли фаолият олиб бораётган давлат хизматчиларининг меҳнати Ўзбекистон Республикаси Давлат активларини бошқариш агентлигининг Самарқанд вилояти ҳудудий бошқармаси мисолида ҳам муносиб эътироф этилди.
Юксак мукофот — самарали меҳнат эътирофи
Ўзбекистон Республикаси Давлат мустақиллигининг 35 йиллиги муносабати билан давлат бошқаруви ва давлат активларини самарали бошқариш соҳасида кўп йиллик тажрибага эга, ўз хизмат вазифаларига юксак масъулият билан ёндашиб келаётган бошқарма раҳбарияти вакиллари юксак мукофот билан тақдирландилар.
Хусусан, Ўзбекистон Республикаси Давлат активларини бошқариш агентлигининг Самарқанд вилояти ҳудудий бошқармаси бошлиғи давлат хизматидаги самарали фаолияти, ташаббускорлиги, юқори масъулияти, бошқарув жараёнларини самарали ташкил этишдаги хизматлари ҳамда давлат активларини бошқариш соҳасининг ривожига қўшиб келаётган муносиб ҳиссаси учун «Ўзбекистон Республикаси Давлат мустақиллигининг 35 йиллиги» кўкрак нишони билан тақдирланди.
Мазкур юксак мукофот раҳбарнинг ўз зиммасидаги вазифаларни сидқидилдан бажариб келаётгани, жамоа фаолиятини самарали ташкил этиш, соҳада белгиланган вазифаларни ҳаётга изчил татбиқ этиш ҳамда давлат манфаатларини таъминлаш йўлидаги меҳнатининг муносиб эътирофи бўлди.
Шунингдек, бошқарма бошлиғи ўринбосари ҳам Ўзбекистон Республикаси давлат мустақиллигининг 35 йиллиги муносабати билан «Ўзбекистон Республикаси Давлат мустақиллигининг 35 йиллиги» кўкрак нишони билан тақдирланди.
Бошқарма бошлиғи ўринбосарининг ҳам соҳада олиб борилаётган ислоҳотларни амалга ошириш, белгиланган вазифаларни сифатли ва ўз вақтида бажариш, жамоа фаолиятида ҳамжиҳатлик ва ишчанлик муҳитини мустаҳкамлаш, давлат активларидан самарали фойдаланишни таъминлаш борасидаги меҳнати ушбу юксак эътирофга муносиб баҳо бўлди.
Мукофот — катта масъулият ва янги марралар сари рағбат
«Давлат мустақиллигининг 35 йиллиги» кўкрак нишони нафақат ўтган даврдаги самарали меҳнатнинг эътирофи, балки келгусидаги масъулиятли вазифаларни янада катта ишонч ва фидойилик билан бажариш учун муҳим рағбатдир.
Бугунги кунда давлат активларини самарали бошқариш, улардан оқилона ва самарали фойдаланиш, давлат мулкини иқтисодий муомалага фаол жалб этиш, инвестицияларни кенгайтириш ҳамда тадбиркорлик учун қулай шарт-шароитлар яратиш борасида муҳим вазифалар амалга оширилмоқда.
Бу жараёнларда бошқарма раҳбариятининг билим ва тажрибаси, ташаббускорлиги, масъулиятли ёндашуви ҳамда жамоани ягона мақсад сари сафарбар эта олиш қобилияти алоҳида аҳамият касб этади.
Раҳбарият вакилларининг давлат мустақиллигининг 35 йиллиги муносабати билан юксак мукофот билан тақдирлангани Самарқанд вилояти ҳудудий бошқармаси жамоаси учун ҳам катта фахр ва қувончдир.
Ушбу эътироф бошқарма жамоасининг давлат активларини бошқариш соҳасида белгиланган вазифаларни янада юқори савияда амалга оширишга бўлган ишончини мустаҳкамлаб, келгусида янги ютуқлар сари дадил қадам ташлашга хизмат қилади.
Самимий муборакбод этамиз!
Ўзбекистон Республикаси Давлат активларини бошқариш агентлигининг Самарқанд вилояти ҳудудий бошқармаси жамоаси номидан бошқарма бошлиғи ҳамда бошқарма бошлиғи ўринбосарини давлатимизнинг юксак мукофоти билан самимий муборакбод этамиз.
Уларга мустаҳкам соғлик, оилавий хотиржамлик, узоқ ва мазмунли умр, давлат ва халқ манфаатлари йўлидаги масъулиятли фаолиятларида куч-ғайрат, янги ташаббуслар, улкан муваффақиятлар ҳамда янги марраларни забт этишларини тилаймиз.
Ишонамизки, ушбу юксак эътироф раҳбарият вакилларини келгусида ҳам ўз фаолиятларига янада катта масъулият билан ёндашишга, янги ташаббусларни илгари суришга ва Самарқанд вилоятида давлат активларини самарали бошқариш борасидаги ишларни янада юқори босқичга олиб чиқишга хизмат қилади.
Мустақиллигимиз абадий, юртимиз тинч, осмонимиз мусаффо, халқимиз фаровон бўлсин!
Ўзбекистон Республикаси Давлат активларини бошқариш агентлигининг Самарқанд вилояти ҳудудий бошқармаси
Матбуот хизмати
