Ҳар бир халқнинг миллий ўзлиги, маънавий қиёфаси ва давлатчилик тарихи унинг она тили билан узвий боғлиқдир. Она тили — миллатнинг бебаҳо бойлиги, унинг руҳи ва ғуруридир.
Бугун, 21 октябрь куни мамлакатимизда “Давлат тили ҳақида”ги Қонун қабул қилинганига 37 йил тўлди. Ушбу тарихий сана ҳар йили юксак шукуҳ ва ғурур билан Ўзбек тили байрами куни сифатида кенг нишонланиб келинмоқда.
Ўзбек тили бой луғат таркиби, теран маъноси ва жозибаси билан асрлар давомида боболаримиздан бизга етиб келган улкан маънавий меросдир. Мустақиллик йилларида она тилимизнинг давлат тили сифатидаги ўрни ва мавқеи тубдан мустаҳкамланиб, унинг жамиятдаги ҳамда халқаро майдондаги нуфузи изчил ошиб бормоқда.
Давлат активларини бошқариш агентлиги Самарқанд вилояти ҳудудий бошқармаси жамоаси барча юртдошларимизни, соҳа ходимларини ҳамда эл-юртимизни ушбу қутлуғ айём — Ўзбек тили байрами куни билан самимий муборакбод этади.
Тилимизнинг софлиги ва жозибасини сақлаш, уни келажак авлодга бебаҳо хазина сифатида етказиш ҳар биримизнинг фуқаролик ва бурчимиздир. Ушбу қувончли кунда барчангизга мустаҳкам соғлиқ, оилавий хотиржамлик, элимиз фаровонлиги ва юртимиз ravnaqi йўлидаги фаолиятингизда улкан зафарлар тилаймиз.
Она тилимизнинг салоҳияти ва нуфузи юксала версин! Байрамингиз муборак бўлсин!
Давлат активларини бошқариш агентлиги Самарқанд вилояти ҳудудий бошқармаси
