Давлат активларини бошқариш агентлиги директори иштирокида барча вилоятлар тадбиркорлик субъектлари вакиллари, инвесторлар ва бизнес доира вакиллари учун кенг қамровли очиқ мулоқот ҳамда сайёр қабул бўлиб ўтди. Конструктив ва шаффоф руҳда ўтган учрашувда республикамизнинг барча ҳудудларидан келган тадбиркорларнинг муаммолари атрофлича тингланиб, уларга амалий ечимлар кўрсатилди ҳамда соҳага оид янги имтиёзлар тушунтирилди.
Мамлакатимизда инвестиция муҳитини яхшилаш, тадбиркорлик фаолиятини ҳар томонлама қўллаб-кувватлаш ҳамда давлат активларини хусусийлаштириш жараёнларида очиқликни таъминлаш борасида тизимли ишлар амалга оширилмоқда. Бугун ташкил этилган кенг қамровли очиқ мулоқот ҳам бевосита жойларда, барча вилоят ва туманларда бизнес вакиллари дуч келаётган тўсиқларни бартараф этиш ва уларга қулай шарт-шароитлар яратиш мақсадига қаратилди.
Учрашув давомида Агентлик директори томонидан республикамизнинг турли ҳудудларидан ташриф буюрган фаол ва янги иш бошлаётган тадбиркорларнинг мурожаатлари, таклиф ва мулоҳазалари бирма-бир тингланди. Мулоқот давомида асосан давлат активларини сотиб олиш, ер ва бино-иншоотларни хусусийлаштириш, аукцион савдолари билан боғлиқ ҳудудий жараёнлар ҳамда тадбиркорликни кенгайтиришдаги ҳуқуқий-техник масалалар муҳокама марказида бўлди.
Кўтарилган масалаларнинг аксарияти бўйича жойининг ўзида ҳуқуқий тушунтиришлар берилиб, амалий ечимлар белгиланди. Хусусан, барча вилоятлардан келган тадбиркорлар томонидан ўртага ташланган ҳар бир муаммо ва мурожаат алоҳида эътибор билан атрофлича ўрганилди ҳамда уларга жойида ҳуқуқий-амалий ечимлар топилди. Шунингдек, тадбиркорларга қулайлик яратиш мақсадига қаратилган қонунчиликка киритилган сўнгги ўзгартиришлар, бўлиб-бўлиб тўлаш имкониятлари ҳамда тадбиркорлик субъектлари учун берилаётган янги имтиёзлар пакети ҳақида атрофлича маълумот берилди. Бу имтиёзлар барча ҳудудлардаги бизнес вакилларига молиявий юкламаларни камайтириш ва фаолиятларини қисқа муддатда кенгайтириш имконини бериши алоҳида таъкидланди.
Шу билан бирга, ечими маълум вақт ва қўшимча ўрганишни талаб қиладиган, шунингдек, ҳудудий бошқармалар ва бошқа идоралар билан ҳамкорликда ҳал этилиши лозим бўлган тизимли мурожаатлар қатъий назоратга олинди. Агентлик раҳбарияти томонидан барча ҳудудий бошқармалар бошлиқлари ва тегишли масъул шахсларга ҳар бир мурожаатни қонуний доирада, қисқа муддатларда кўриб чиқиш ва тадбиркорларга кўмаклашиш бўйича аниқ топшириқ ва кўрсатмалар берилди.
Давлат активларини бошқариш агентлиги барча вилоятлардаги тадбиркорлар ва инвесторлар билан тўғридан-тўғри, шаффоф ва самарали мулоқот тизимини бундан кейин ҳам изчил давом эттиради.
